الجمعة، مايو 16، 2008

حفل خطوبة الأستاذ حمدى حجاج من مدينة السرو دمياط مصر على الآنسة أنجى الأديب بميت الخولى عبدلله


إحتفل الأستاذ حمدى حجاج إبن مدينة السرو بمحافظة دمياط بحفل خطوبته على الآنسة أنجى نبيه الأديب سليلة عائلة الأديب بميت الخولى عبد الله (بطلة الحروب الصليبية )وأقيم الإحتفال فى جو أسرى وقد حضره العديد من القيادات والفعاليات بمركز الزرقا ومدنها وقراها وكذلك أصدقاء العروسين والصحفيين بجريدة صوت الشعب الدمياطية ومنهم الأستاذ محى الهنداوى رئيس مجلس الإدارة والاستاذ مجدى سبلة رئيس تحرير الجريدة والأستاذ جمال خلف مستشار التحرير والاستاذ فهيم منير مستشار التحرير والصحفى والفنان التشكيلى مجدى مندور والصحفى بالوفد جهاد شاهين والصحفىوالشاعر إبراهيم القماش ورئيس تحرير مجلة صوت السرو والكاتب الصحفى بجريدة الشعب ناجى السنباطى ولفيف من المحبين من أهل مينة السرو وميت الخولى عبدلله وأسرة جريدة صوت الشعب ومجلة صوت السرو يهنئون الزميل العزيز الصحفى حمدى حجاج بمناسبة الخطوبة السعيدة ويدعون الله أن يتمم الافراح ويبارك لهما فى خطوبتهما وإرتباطهما الطيب
Posted by Picasa

الاثنين، مايو 12، 2008



Posted by Picasaشاعر (العامية ) السروى إيهاب عجيز

(1 )000 نداء فلسسطين

يا أمة الإسلام

با موت وأنا الإنسسان

بإيد يهودي جبان

وعزم الأمريكان

0 0 0

الحجر دا سلاحي

مدفعي ودانتي

بحب كل العرب

وبالأخص إنت

* * *

يا أمة الإسلام

دي أرض أولادي

والنبض لسه في الحجر

من عهد أجدادي

تعالوا يا ولادي

أخدكوا في أحضاني

ودمكوا اللي سال

كان للعرب مرسال

و القدس لسه جريح

واقف في وش الريح

ينده لنا ويصيح

كل العرب إخوان

* * *

يا أمة الإسلام

من موت صلاح الدين

وشقيتي يا فلسطين

وبدلوا سيفك00بميت حجر من طين00

* * *

يا أمة الإسلام

******************

(2 )

يا مصر

علمتيني الصبر

وزرعتي فيه ميت صبار

وعلمتيني أشيل الصخر00

ما قلش الآه

وعلمتني لو أموت م الجوع00

ما أمد إيديه وأقول لله

قلتي لي وعرفتيني00

لو مسك الكافر سكين00

وقطع الحبل السرى لفلسطين

أنزع الخوف من جواتك

أرفع قلمك وسلاحك أصرخ

أنادي

ياحطين

يا صلاح الدين

مين بدل سيفك

بحجر من طين

وإن قصوا ضفايرك يابيروت

وحسيت الشعب العربي بيموت

أقطع شريان الغرب00

أرميه في النيل

يشرب منه كل الشعب

كل الشعب===

***************************

(3 ) الطفوله

ياه00

لسه فاكره واحنا صغار00

بنحضن بعضنا

في لحظه من فضة الوقت00

الجميل

كان الحنين بيهزنا

واجري وراك00

في كوشه العيال 00

السمر اللي لون النيل00

قناديل تضوي بالمسا وتنام

مع سرب الحمام

************

انت اللي كنت00

بتعملي م الطين عرايس

واجري وراك

اشدها واجرها

وتعيطي ودمعك يسيل00

اواسيه امسحه بكم القميص00

الدايب من كتر الغسيل

وطأطأ علي أكتافك00

أحضن جبهتك

نرجع نتوه وسط العيال

نلعب بدود القز وشرنقة الحرير

وشجر التوت لو ينهز ينزل حنين

يغطي سوادالارض بلون الجبين

0 ومن جديد نحضن بعضنا===

( 4 )000 الوهم

ايه اللي مات00

كل شيئ فينا مات

انا كنت لك كتاب مفتوح

تقريه تتعلمي منه00

الحب وحكمة الايام

**********

شلت من جواك 00

الخوف000والحزن

زرعت فيك حب الكسوف00

والخجل

ودلع البنات

ايه اللي مات

بتنسينا وتقسي علينا

بتقتلي الضحكات فينا

تضيعي عمر الصبا معاك

تحلمي ب بقيا حب00

بطفل من زيف

من وهم من كلمات

ايه اللي مات===

000 000 000

5 00 بنت الايه

انا ممكن اخلص تاري

وانسي اللي جرالي

من بنت الايه الحلوه

سبتني في نص الدنيا وراحت

انا ممكن اخليها تفوت00

واطفي النور 00

واغير تجاعيد الشارع ل سود

مكان الحب 00

تكتب موت

مكان الورد 00

تلاقي الشوك

بنت الايه الحلوه

خدتني بين دفاترها وراحت

سبتني في نص الدرس اتوه

وانا كنت خلاص00

ف اخر الدرس اللي عططهولي 00

زمان

بنت الايه الحلوه===

*******************************

6 00 إعجاب

حلوه وع الرمله نامت

تتحدي نن الشمس لو قامت

تمد ايديها00

تقول للبحر ساعدني

عنيده000

تقول له لاسبني

اتحدي موجك 00

لو في التو يغلبني

**********

تناديي 0

تعالي ياشاعر

علمني الحب وفنونه

ياحلوه00

انا جوايا مفاتيح00

قلبك النونو

اعلمك فنون الحب وشجونه

وازاي تكون لغة العيون

وحل شفرات الشفايف

هو مين ف الدنيا شايف

حلوه وع الرمله نامت===

***********************************

7 000 ليه خنتيني

قبل م احبك كنت قوليلي

كنت ب اكدب ديما عيني

لما تيجي لحظه في عينك

كنت قوليلي

وانت بتفتحي قلبي تعدي

تخدي مني كل حياتي

تزرعي فيه00

الخوف والحزن

بتخبيني ساعات من نفسي

وساعات اهرب

اهرب من ذاتي

ولااملك بس الا سكاتي

كنت بحاول اني اتوحد00

في الكلمات

وارجع من ثاني استناك

0 0 0

لكن لو قلت بحبك00

ما تصدقنيش00

لو قلت هجبلك 00

من نن عيون البحر ياقوت

لو قلت هعدي ا لسكه وافوت00

ما تصدقنيش

الفارس اللي خانه جواده

راجع يا اميره

عشان أعيش

أرشيف المدونة الإلكترونية